Əyləncə və asudə vaxt

Məxsusi konseptdə dizayn edilmiş və divarlarında yerli sənətkarların rəsm əsərlərini əks etdirən Yanardağ kafesi qonaqlarını müxtəlif növ içkilər, şirniyyatlar və qəlyənaltılar ilə qarşılayır.
Təqribən 50 oturacağın olduğu Yanardağ kafesi Yanardağ abidəsinin amfiteatrı üzərindən möhtəşəm mənzərəyə açılır. Kafenin divarlarında gənc yerli sənətkarların əsərləri təsvir olunur ki, bu əsərlər yanaşı yerləşən suvenir mağazasında da satışdadır.
Kafedə ödənişi nağd və ya kartla etmək mümkündür.

İÇKİLƏR
Lavazza qəhvəsi Kappuçino, Latte, Amerikano və espresso kimi çeşidlərdə təqdim olunur. Çay olaraq isə yerli qara və yaşıl çay, həmçinin, nanəli çay təklif edilir. Baristalarımız həmçinin isti şokolad da təklif edir. Soyuq içkilərə spirtsiz içki çeşidləri, təzə meyvə şirələri ( portağal və alma şirəsi) və milkşeyklər (çiyələkili və bananlı) daxildir.

QƏLYANALTILAR
Yanardağ kafesi müxtəlif sendviç çeşidləri, çiabata çörəkləri, hindi əti, vetçina, pendir, mal əti, toyuq əti və ya tuna ilə doldurulmuş dürümlər təklif edir. Əlavə olaraq, təzə məhsullarla hazırlanmış tuna, Sezar salatı, toyuq salatları təklif olunur. Menyuda şirniyyat və desertlər olaraq alma piroqu, pendirli və şokoladlı kekslər, brovnilər və eklerlər mövcuddur.